Kryeministri Rama mbylli fushatën elektorale të PS-së në qytetin e Vlorës dhe siç pritej ai ju referua disa herë në fjalim, njeriut të Pavarësisë, Ismail Qemali.
“Jam i dyti kryeministër i Vlorës, pas Ismail Qemalit. Kam një emocion që nuk ua tregoj dot që po përfaqësoj Vlorën. Kam bërë për Vlorën për 44 muaj aq sa munda. Në 4 vitet që vijnë, po ma dhatë besimin si stërnipër apo stërmbesa të Ismail Qemalit, do të bëjmë 4-fishin e këtyre që janë bërë në 44 muaj.
Ma jepni besimin pa hedhur votë në xhepat e Lulit, të Ilirit, të Shpëtimit, të Dashit të Havasë apo Vangjelit të bakllavasë. Shqipëria që kemi nuk është Shqipëria që duam. Eshtë dëshpëruese dhe e lodhshme për njeriun që kërkon një hipotekë e një licencë dhe kjo duhet të marrë fund më 25 qershor”, deklaroi Rama.
